रोचक सामग्री


खोजी

Thursday, September 1, 2016

गोकर्णेश्वरमा भक्तजनको भीड

काठमाण्डु, १६ भदौ-उपत्यकाको उत्तर पूर्वी भेगस्थित गोकर्णेश्वरमा दिवङ्गत पितृलाई श्रद्धा भक्तिसाथ तर्पण, सिदादान र श्राद्ध गर्ने भक्तजनको बिहानैदेखि भीड लागेको छ ।

दिवङ्गत पितृलाई भाद्र कृष्ण औँसीका दिन गोकर्णेश्वर मन्दिरमा गई तर्पण, सिदादान र श्राद्ध गर्दा घर, मामाघर र ससुरालीतर्फका तीनरतीन पुस्ताका पितृले मुक्ति पाउने धार्मिक विश्वास छ ।

बागद्वारबाट बग्दै आएको बाग्मती गोकर्णमै आएपछि उत्तरतिर बग्ने भएकाले पनि यहाँ आई पितृलाई श्रद्धाभक्तिसाथ तर्पण, सिदादान र श्राद्ध गर्दा दिवङ्गत पितृ प्रशन्न भई आशीर्वाद दिने शास्त्रीय मान्यता रहेको नेपाल पञ्चाङ्ग निर्णायक समितिका अध्यक्ष एवम् धर्मशास्त्रविद् प्रा डा रामचन्द्र गौतमले जानकारी दिए ।

मन्दिरमा बुधबार बेलुकीदेखि नै भक्तजनको भीड लागेको पुजारी जगदीश भट्टले बताए । बिहान ३ बजेदेखि मन्दिरमा दर्शनका लागि खुला गरिएको थियो । देशका विभिन्न भागबाट आएका भक्तजनले वाग्मती नदीमा स्नान गरी गोकर्णदेखि उत्तरगयासम्मका बाग्मती किनारमा तर्पण, सिदादान एवम् श्राद्ध गरिरहेका छन् ।

मन्दिर क्षेत्र व्यवस्थित नहुँदा धार्मिक कामका लागि अप्ठ्यारो भएको सप्तरीबाट आउनुभएका रामचन्द्र यादवले गुनासो गरे । ‘साँघुरो सडकमा व्यापार गर्ने, बिरामीको उपचारका लागि सहयोग माग्नेको पनि भीड हुँदा धार्मिक क्षेत्र अस्तव्यस्त पाएँ, सार्वजनिक सवारी साधन जोरापाटीचोकमै रोकिँदा चार किमी हिँड्न बाध्य हुनुप¥यो’, उनले भने ।

मन्दिरमा बौद्ध धर्मावलम्बीको पनि उत्तिकै उपस्थिति छ । बौद्ध धर्मावलम्बीले गोकर्णेश्वरलाई बोधिसत्वका रुपमा मानी श्रद्धाभक्तिसाथ पितृका सम्झनामा दीपदान गरेका छन् । रासस


बाँकी NEPAL123.COM मा पढौं

No comments:

Post a Comment